आइतवार, कार्तिक २२ गते २०८३
महानगरपालिका तथा उपमहानगरपालिकाका वडाध्यक्ष र वडा सदस्यका आकाङ्क्षीका लागि आवेदन खुला गर्ने निर्णय। उम्मेदवार छनोट प्रक्रिया व्यवस्थित बनाउन सात उपसमिति गठन
आइतवार , कार्तिक १५, २०८३
नेपालसेज/ काठमाडौं — राष्ट्रिय स्वतन्त्र पार्टी (रास्वपा) ले आगामी स्थानीय तह निर्वाचनका लागि उम्मेदवार छनोट प्रक्रिया अघि बढाएको छ। पार्टीले महानगरपालिका तथा उपमहानगरपालिकाका वडाध्यक्ष र वडा सदस्य पदमा उम्मेदवारी दिन इच्छुक तथा योग्य व्यक्तिका लागि ‘क्यान्डिडेट क्लब’ मार्फत आवेदन खुला गर्ने निर्णय गरेको हो।
रास्वपाले स्थानीय तह निर्वाचनका उम्मेदवार छनोट गर्न ‘क्यान्डिडेट क्लब’ सञ्चालन गर्ने।
महानगर र उपमहानगरका वडाध्यक्ष तथा वडा सदस्यका लागि आवेदन खुला गर्ने।
उम्मेदवार छनोट तथा समन्वयका लागि सात उपसमिति गठन।
क्यान्डिडेट क्लबको संयोजकमा कविन्द्र बुर्लाकोटी चयन।
महिला सहभागिता, समावेशिता, प्रविधि र क्षमता विकासका लागि छुट्टाछुट्टै जिम्मेवारी।
.jpeg)
पार्टीको केन्द्रीय कार्यालय वनस्थलीमा शनिबार महामन्त्री विपिनकुमार आचार्यको सभापतित्वमा बसेको बैठकले यस्तो निर्णय गरेको हो। स्थानीय तह निर्वाचन उम्मेदवार छनोट रूपरेखा कार्यान्वयन तथा समन्वय समितिका संयोजकसमेत रहेका आचार्यको नेतृत्वमा बसेको बैठकले उम्मेदवार छनोट प्रक्रियालाई व्यवस्थित बनाउन क्यान्डिडेट क्लब सञ्चालन गर्ने निर्णय गरेको छ।
बैठकले उम्मेदवार छनोटसम्बन्धी रूपरेखा कार्यान्वयन तथा समन्वयका लागि विभिन्न सातवटा उपसमिति गठन गरेको छ। पार्टी प्रवक्ता जगदीश खरेलका अनुसार क्यान्डिडेट क्लबको संयोजकको जिम्मेवारी कविन्द्र बुर्लाकोटीलाई दिइएको छ।
त्यसैगरी, प्रविधिसम्बन्धी उपसमितिको संयोजन सुशान्त वैदिक, गुनासो समन्वय उपसमितिको जिम्मेवारी जनकसिंह धामी तथा समावेशिता र महिला सहभागितासम्बन्धी उपसमितिको संयोजन डा. तोशिमा कार्कीलाई दिइएको छ।
क्षमता विकास समन्वय उपसमितिको संयोजनको जिम्मेवारी टासी ल्हाजोमलाई तोकिएको प्रवक्ता खरेलले जानकारी दिए। अन्य उपसमितिको जिम्मेवारी तथा कार्यविभाजनबारे भने विस्तृत विवरण सार्वजनिक गरिएको छैन।
रास्वपाले क्यान्डिडेट क्लबमार्फत उम्मेदवारी दिन इच्छुक व्यक्तिको आवेदन सङ्कलन गरी उम्मेदवार छनोटसम्बन्धी प्रक्रिया अघि बढाउने तयारी गरेको छ। यसले स्थानीय तह निर्वाचनका लागि पार्टीको उम्मेदवार छनोट तथा संगठनात्मक तयारीलाई संस्थागत रूपमा अघि बढाउने उद्देश्य राखेको देखिन्छ।
— नेपालसेज | प्रकाशित: १५ कात्तिक २०८३
Be the first to comment!
.gif)
प्रतिक्रिया दिनुहोस