आइतवार, कार्तिक २२ गते २०८३
बूढानीलकण्ठमा भएको भेटमा दुई देशबीचको बहुआयामिक सम्बन्ध, विकास र आर्थिक कूटनीतिबारे छलफल
बिहिवार , कार्तिक १९, २०८३
नेपालसेज /काठमाडौं। राष्ट्रिय स्वतन्त्र पार्टी (रास्वपा) का सभापति रवि लामिछानेसँग भारतीय विदेश सचिव विक्रम मिस्रीले शिष्टाचार भेट गरेका छन्। नेपालको दुईदिने औपचारिक भ्रमणमा रहेका मिस्री लामिछानेसँग भेटवार्ता गर्न बूढानीलकण्ठ पुगेका हुन्।
भारतीय विदेश सचिव विक्रम मिस्रीले रास्वपा सभापति रवि लामिछानेसँग शिष्टाचार भेट गरेका छन्।
दुईदिने औपचारिक नेपाल भ्रमणका क्रममा मिस्री बूढानीलकण्ठ पुगेका हुन्।
भेटमा नेपाल–भारतबीचको बहुआयामिक सम्बन्धबारे छलफल भएको छ।
दुई देशबीचको सम्बन्ध थप प्रगाढ बनाउने विषयमा कुराकानी भएको रास्वपाले जनाएको छ।
लामिछानेले विकास तथा आर्थिक कूटनीतिमा नेपालले जोड दिइरहेको बताएका छन्।
.jpeg)
रास्वपाका प्रवक्ता जगदीश खरेलका अनुसार भेटका क्रममा लामिछानेले आफ्नो विगतको औपचारिक भारत भ्रमणको स्मरण गर्दै आगामी दिनमा नेपाल र भारतबीच हुन लागेका उच्चस्तरीय भ्रमणहरूको सफलताका लागि शुभकामना दिएका थिए।
सो अवसरमा लामिछानेले नेपालले विकास तथा आर्थिक कूटनीतिलाई प्राथमिकता दिइरहेको पनि उल्लेख गरेका थिए। उनले दुई मुलुकबीचको सम्बन्धलाई थप सुदृढ बनाउन आर्थिक तथा विकास सहकार्य महत्वपूर्ण हुने धारणा राखेका थिए।
भेटवार्तामा लामिछाने र भारतीय विदेश सचिव मिस्रीबीच नेपाल–भारतको बहुआयामिक सम्बन्धका विभिन्न पक्षमा कुराकानी भएको थियो।
दुवै पक्षले नेपाल र भारतबीच रहेको गहिरो सम्बन्धलाई आगामी दिनमा थप प्रगाढ बनाउने विषयमा समेत छलफल गरेको रास्वपाका प्रवक्ता खरेलले जानकारी दिएका छन्।
— नेपालसेज | प्रकाशित: २०८३ कात्तिक १९, बिहीबार
Be the first to comment!
.gif)
प्रतिक्रिया दिनुहोस