सोमवार, कार्तिक २३ गते २०८३
बुधवार , भाद्र १७, २०८३
नेपालSays| काठमाडौं
नेपालमा आएको विनाशकारी बाढी तथा पहिरोमा बेपत्ता भएका नौ कोरियाली नागरिकसहित अन्यको खोजीका लागि दक्षिण कोरियाले विशेष उद्धार टोली नेपाल पठाएको छ। ४४ सदस्यीय कोरियाली विपद् उद्धार टोली बुधबार काठमाडौं आइपुगेको थियो। परराष्ट्र मन्त्रालय, कोरिया अन्तर्राष्ट्रिय सहयोग नियोग (KOICA) र अग्नि उद्धार अधिकारीहरू सहभागी टोलीले नेपाली अधिकारीसँग सहकार्य गर्दै करिब १० दिन खोज तथा उद्धार अभियान सञ्चालन गर्नेछ। टोली अहिले रसुवा पुगिसकेको छ।
दक्षिण कोरियाले बेपत्ता नागरिकसहित अन्यको खोजीका लागि ४४ सदस्यीय विशेष उद्धार टोली नेपाल पठाएको छ।
टोलीमा परराष्ट्र मन्त्रालय, KOICA र अग्नि उद्धार अधिकारी सहभागी छन् र करिब १० दिन अभियान सञ्चालन गर्नेछ।
५ उद्धार कुकुर, उच्च क्षमताका ड्रोन तथा ताप र आवाज पहिचान गर्ने उपकरण प्रयोग गरिँदैछ।
भदौ १० को बाढीपछि रसुवाको माथिल्लो त्रिशूली–१ आयोजनाबाट ९ कोरियाली नागरिक बेपत्ता भएका थिए।
कठिन भूगोल र भग्नावशेषका कारण खोजी चुनौतीपूर्ण बने पनि हेलिकोप्टर, ड्रोन र उद्धार कुकुरमार्फत धुन्चे क्षेत्रमा खोजी जारी छ।
.jpeg)
टोलीले पाँचवटा उद्धार कुकुरसँगै उच्च क्षमताका ड्रोन, भग्नावशेषमा पुरिएका व्यक्तिको आवाज तथा दृश्य पहिचान गर्न सक्ने उपकरण र ताप पहिचान गर्ने उपकरण ल्याएको कोरियन टाइम्सले जनाएको छ। भदौ १० गते रसुवामा आएको बाढीका क्रममा माथिल्लो त्रिशूली–१ जलविद्युत् आयोजना निर्माणस्थलबाट नौ कोरियाली नागरिक बेपत्ता भएका थिए। तीमध्ये छ जना दोसान इनर्जीबिलिटी र तीन जना कोरिया दक्षिण–पूर्वी विद्युत् कम्पनीका कर्मचारी हुन्।
नेपाली सुरक्षाकर्मी र कोरियाली उद्धार टोलीले हेलिकोप्टर, ड्रोन, उद्धार कुकुर तथा अन्य उपकरण प्रयोग गरी रसुवाको धुन्चे क्षेत्रमा खोजी गरिरहेका छन्। कठिन भौगोलिक अवस्था, ठूलो खोज क्षेत्र तथा माटो र भग्नावशेषका कारण उद्धार कार्य चुनौतीपूर्ण बनेको छ। बेपत्ता व्यक्तिहरूको मोबाइल फोनको स्थान पहिचान गर्ने विकल्पबारे पनि कोरियाली अधिकारीहरूले नेपाली अधिकारीसँग छलफल गरिरहेका छन्। सम्बन्धित कम्पनीहरूले समेत हवाई खोजीलाई तीव्र बनाएका छन्।
Be the first to comment!
.gif)
प्रतिक्रिया दिनुहोस