सोमवार, कार्तिक २३ गते २०८३
सोमवार , कार्तिक २३, २०८३
नेपालसेज/काठमाडौं ।
काठमाडौंको कलंकीस्थित नेसनल बिजनेस ट्रेड सेन्टर (एनबीटीसी) होलसेल मार्केटमा लक्ष्मीपूजाको राति भीषण आगलागी भएको छ। राति करिब ८ बजे सुरु भएको आगलागी बिहान करिब २ बजे मात्रै पूर्ण रूपमा नियन्त्रणमा आएको थियो। प्रारम्भिक जानकारीअनुसार मार्केटको +१ तलामा रहेको एक जुत्ता पसलबाट आगलागी सुरु भएको थियो। आगो फैलिँदा मार्केटको +१ र +२ तलामा बढी क्षति पुगेको बताइएको छ। करिब ९२७ वटा पसल तथा आउटलेट रहेको उक्त व्यावसायिक कम्प्लेक्समा आगलागी भएपछि व्यवसायी तथा स्थानीयवासी त्रसित भएका थिए। आगो नियन्त्रणका लागि सातवटा दमकल परिचालन गरिएको थियो। दमकलकर्मी तथा सुरक्षाकर्मीले लामो समयसम्म प्रयास गरेपछि मात्रै आगो नियन्त्रणमा आएको हो।
कलंकीस्थित एनबीटीसी होलसेल मार्केटमा लक्ष्मीपूजाको राति आगलागी।
प्रारम्भिक विवरणअनुसार +१ तलाको जुत्ता पसलबाट आगो सुरु।
+१ र +२ तलामा बढी क्षति पुगेको जानकारी।
चार पसल पूर्ण रूपमा क्षतिग्रस्त, थप १५ पसलमा धुवाँको असर।
सातवटा दमकल परिचालन गरी तीन घण्टापछि आगो नियन्त्रण।
.jpeg)
आगलागीबाट चारवटा पसल पूर्ण रूपमा क्षतिग्रस्त भएका छन् भने धुवाँका कारण थप १५ वटा आउटलेट प्रभावित भएका छन्। विशेषगरी माथिल्ला तलामा आगो र धुवाँको असर बढी परेको प्रारम्भिक विवरण छ। आगलागीबाट पसलमा रहेका सामान, व्यापारिक सामग्री तथा अन्य सम्पत्तिमा समेत क्षति पुगेको हुन सक्ने अनुमान गरिएको छ।
— नेपालसेज | प्रकाशित: २३ कात्तिक २०८३
Be the first to comment!
.gif)
प्रतिक्रिया दिनुहोस