आइतवार, कार्तिक २२ गते २०८३
पोर्चुगलका स्टार खेलाडी क्रिस्टियानो रोनाल्डोले राष्ट्रिय टोलीको प्रशिक्षण क्याम्प छाडेका छन्। क्याम्प छाड्नुको कारण भने उनले समय आएपछि सार्वजनिक गर्ने बताएका छन्।
बिहिवार , आश्विन १५, २०८३
नेपालसेज/काठमाडौं
पोर्चुगलका स्टार फुटबलर क्रिस्टियानो रोनाल्डोले राष्ट्रिय टोलीको प्रशिक्षण क्याम्प छाडेका छन्। उनले सामाजिक सञ्जालमार्फत पोर्चुगल फुटबल महासंघका अध्यक्षसँग कुराकानी गरेपछि क्याम्प छाड्ने निर्णय गरेको जानकारी दिएका हुन्।रोनाल्डोले क्याम्प छाड्नुको वास्तविक कारण भने तत्काल सार्वजनिक गरेका छैनन्। उनले समय आएपछि आफूले यस्तो निर्णय लिनुको सम्पूर्ण सत्य पोर्चुगलका जनतालाई बताउने उल्लेख गरेका छन्।रोनाल्डोको निर्णय प्रशिक्षक जर्ज जेसुससँगको असमझदारीको चर्चाबीच आएको हो। यसअघि नर्वेविरुद्धको खेलमा रोनाल्डो बेन्चमै बसेका थिए। पोर्चुगलले उक्त खेल २–१ ले जिते पनि रोनाल्डो मैदान प्रवेश गरेका थिएनन्।
रोनाल्डोले पोर्चुगलको प्रशिक्षण क्याम्प छाडे
क्याम्प छाड्नुको कारण पछि सार्वजनिक गर्ने बताए
प्रशिक्षक जर्ज जेसुससँग असमझदारीको चर्चा
नर्वेविरुद्धको खेलमा रोनाल्डो बेन्चमै बसेका थिए
पोर्चुगलले बाँकी खेलाडीबाट तयारी जारी राख्ने
.jpeg)
खेलपछि रोनाल्डो टोलीका अन्य खेलाडीसँग समर्थकतर्फ नगई सिधै ड्रेसिङ रुमतर्फ गएको विषयले समेत प्रशिक्षकसँग उनको सम्बन्धबारे विभिन्न चर्चा भएको थियो। तर जेसुसले टोलीभित्र कुनै विवाद नरहेको बताएका थिए।यसअघि रोनाल्डोले प्रशिक्षण गर्न अस्वीकार गरेको दाबीसमेत सार्वजनिक भएको थियो। जेसुसले भने रोनाल्डोले व्यक्तिगत ‘मोबिलिटी’ र ‘स्ट्रेन्थेनिङ’ अभ्यास गरेको र टोलीसँग सामान्य प्रशिक्षणमा सहभागी हुने कार्यक्रम रहेको बताएका थिए।
रोनाल्डोले यसै वर्षको विश्वकपपछि अन्तर्राष्ट्रिय फुटबलबाट संन्यास लिनेबारे विचार गरेको बताएका थिए। तर करिअरमा १ हजार गोल पूरा गर्ने लक्ष्यका कारण उनले राष्ट्रिय टोलीमा निरन्तरता दिने निर्णय गरेका थिए।पोर्चुगल फुटबल महासंघले रोनाल्डोले टोली छाडेको पुष्टि गर्दै बाँकी २४ खेलाडीसहित आगामी खेलको तयारी पूर्वनिर्धारित योजनाअनुसार अघि बढ्ने जनाएको छ।
— नेपालसेज | प्रकाशित: १५ असोज २०८३
Be the first to comment!
.gif)
प्रतिक्रिया दिनुहोस