आइतवार, कार्तिक २२ गते २०८३
कीर्तिपुरमा दिउँसो साढे १२ बजे लुम्बिनी लाइन्स र जनकपुर बोल्ट्स तथा साढे ४ बजे विराटनगर किंग्स र काठमान्डु गोर्खाजबीच प्रतिस्पर्धा हुँदैछ
बिहिवार , कार्तिक १९, २०८३
नेपालसेज/ काठमाडौं — नेपाल प्रिमियर लिग (एनपीएल) क्रिकेटअन्तर्गत आज बिहीबार दुई खेल हुँदैछन्। कीर्तिपुरस्थित त्रिवि अन्तर्राष्ट्रिय क्रिकेट मैदानमा हुने दुवै खेलमा चार टोली प्रतिस्पर्धा गर्दैछन्।
नेपाल प्रिमियर लिग (एनपीएल) अन्तर्गत आज दुई खेल हुँदैछन्।
पहिलो खेलमा दिउँसो साढे १२ बजे लुम्बिनी लाइन्स र जनकपुर बोल्ट्स भिड्नेछन्।
लुम्बिनी ३ खेलबाट शीर्ष स्थानमा छ भने जनकपुर ४ खेलबाट चौथो स्थानमा छ।
दोस्रो खेलमा दिउँसो साढे ४ बजे विराटनगर किंग्स र काठमान्डु गोर्खाज आमनेसामने हुनेछन्।
विराटनगर दोस्रो र काठमान्डु सातौं स्थानमा छन्।
.jpeg)
आजको पहिलो खेलमा दिउँसो साढे १२ बजे लुम्बिनी लाइन्स र जनकपुर बोल्ट्स आमनेसामने हुनेछन्। लिग तालिकाको शीर्ष स्थानमा रहेको लुम्बिनी आफ्नो अग्रता कायम राख्ने लक्ष्यसहित मैदानमा उत्रिनेछ भने चौथो स्थानमा रहेको जनकपुर जित निकाल्दै अंकतालिकामा सुधार गर्ने प्रयासमा हुनेछ।
लुम्बिनीले हालसम्म तीन खेल खेलेको छ। तीमध्ये दुई खेलमा जित हात पारेको उसले एक खेल वर्षाका कारण रद्द भएपछि अंक बाँडेको छ। जनकपुरले भने चार खेल खेल्दा दुईमा जित र दुईमा हार बेहोरेको छ।
आजको दोस्रो खेल दिउँसो साढे ४ बजे सुरु हुनेछ। उक्त खेलमा विराटनगर किंग्स र काठमान्डु गोर्खाजबीच प्रतिस्पर्धा हुनेछ। अंकतालिकाको दोस्रो स्थानमा रहेको विराटनगर र सातौं स्थानमा रहेको काठमान्डु दुवैका लागि यो खेल महत्वपूर्ण हुनेछ।
विराटनगरले चार खेलमध्ये दुईमा जित र दुईमा हार बेहोरेको छ। यता काठमान्डुले दुई खेल खेलेकोमा एकमा जित र एकमा हार बेहोरेको छ।
कीर्तिपुरमा हुने आजका दुवै खेलले एनपीएलको अंकतालिकामा टोलीहरूको स्थान परिवर्तन गर्ने सम्भावना रहेकाले प्रतिस्पर्धा रोचक हुने अपेक्षा गरिएको छ।
— नेपालसेज | प्रकाशित: १९ कार्तिक २०८३
Be the first to comment!
.gif)
प्रतिक्रिया दिनुहोस