आइतवार, कार्तिक २२ गते २०८३
नेपाल–बेलायत सम्बन्ध र जलवायु सहकार्यबारे परराष्ट्रमन्त्री खनाल र राजदूत फेनबीच छलफल
सोमवार , कार्तिक १६, २०८३
परराष्ट्रमन्त्री शिशिर खनालसँग बेलायती राजदूत रब फेनको भेट।
नेपाल–बेलायत द्विपक्षीय सम्बन्धबारे छलफल।
जलवायु परिवर्तन र जलवायु वित्तमा सहकार्यका विषय उठे।
COP-31 सम्बन्धी सहयोग र समन्वयबारे कुराकानी।
गोर्खा सैनिकको पेन्सनसम्बन्धी विषयमा समेत छलफल।
.jpeg)
नेपालसेज / काठमाडौं। परराष्ट्रमन्त्री शिशिर खनालसँग नेपालका लागि संयुक्त अधिराज्य बेलायतका राजदूत रब फेनले शिष्टाचार भेटवार्ता गरेका छन्। परराष्ट्र मन्त्रालयमा सोमबार भएको भेटमा नेपाल र बेलायतबीचको द्विपक्षीय सम्बन्धलाई थप सुदृढ बनाउने तथा आपसी हितका विभिन्न विषयमा छलफल भएको मन्त्रालयले जनाएको छ।
भेटका क्रममा दुवै पक्षबीच नेपाल–बेलायत सम्बन्धका विविध आयाम तथा आगामी दिनमा सहकार्य विस्तार गर्न सकिने क्षेत्रबारे विचार आदानप्रदान भएको थियो। विशेषगरी जलवायु परिवर्तन, जलवायु वित्त र उत्थानशील आर्थिक विकासका विषय छलफलको प्राथमिकतामा रहेका थिए।
यसैगरी, जलवायु परिवर्तनसम्बन्धी संयुक्त राष्ट्रसङ्घीय संरचना महासन्धिका पक्ष राष्ट्रहरूको ३१औँ सम्मेलन (COP-31) का सन्दर्भमा नेपाल र बेलायतबीच सहयोग तथा सहकार्यका सम्भावनाबारे पनि छलफल भएको मन्त्रालयले जनाएको छ।
जलवायु परिवर्तनका चुनौती सामना गर्न अन्तर्राष्ट्रिय सहकार्य, जलवायु वित्तको प्रभावकारी परिचालन तथा दिगो आर्थिक विकासका क्षेत्रमा दुवै देशबीच सहकार्य अभिवृद्धि गर्ने विषयमा समेत कुराकानी भएको थियो।
भेटमा दुई देशबीच आपसी हितका अन्य विषयका साथै बेलायती सेनामा सेवा गरेका गोर्खा सैनिकहरूको पेन्सनसम्बन्धी विषयले पनि स्थान पाएको परराष्ट्र मन्त्रालयले जनाएको छ।
— नेपालसेज | प्रकाशित: १६ कात्तिक २०८३, सोमबार
Be the first to comment!
.gif)
प्रतिक्रिया दिनुहोस