आइतवार, कार्तिक २२ गते २०८३
आइतवार , कार्तिक २२, २०८३
भोटेकोशी बाढीमा बेपत्ता जुम्लाका ६३ जनाको यकिन विवरण सार्वजनिक।
राष्ट्रिय विपद् जोखिम न्यूनीकरण तथा व्यवस्थापन प्राधिकरणले सूची जारी गरेको हो।
जिल्ला विपद् व्यवस्थापन समितिबाट प्राप्त विवरणका आधारमा सूची तयार।
सूचीमा रहेका व्यक्ति जीवित वा फेला परेका भए दाबी गर्न सकिने।
सम्बन्धित व्यक्ति वा परिवारलाई सात दिनभित्र दाबी पेस गर्न आग्रह।
.jpeg)
नेपालसेज, जुम्ला ।
रसुवाको भोटेकोशीमा गत भदौ १० गते आएको विनाशकारी बाढीमा परी बेपत्ता भएका जुम्लाका ६३ जनाको यकिन विवरण सार्वजनिक गरिएको छ। राष्ट्रिय विपद् जोखिम न्यूनीकरण तथा व्यवस्थापन प्राधिकरणले जिल्ला विपद् जोखिम न्यूनीकरण तथा व्यवस्थापन समितिबाट प्राप्त विवरणका आधारमा बेपत्ता व्यक्तिहरूको सूची सार्वजनिक गरेको हो।
प्राधिकरणले सार्वजनिक गरेको सूचीमा जुम्लाका ६३ जनालाई बेपत्ताका रूपमा समावेश गरिएको छ। बाढीपछि लामो समयसम्म बेपत्ताको विवरण संकलन तथा प्रमाणीकरण गर्ने क्रममा सम्बन्धित जिल्ला विपद् व्यवस्थापन समितिबाट यकिन भएर आएका विवरणलाई आधार बनाइएको प्राधिकरणले जनाएको छ।
प्राधिकरणले सार्वजनिक सूचीमा रहेका व्यक्तिहरू जीवित रहेको वा फेला परेको भए सम्बन्धित व्यक्ति स्वयं वा निजको एकाघरका परिवारका सदस्यलाई सात दिनभित्र दाबी पेस गर्न आग्रह गरेको छ।
बेपत्ता सूचीमा नाम समावेश भएका व्यक्तिको अवस्थाबारे कुनै नयाँ जानकारी भए तोकिएको समयभित्र सम्बन्धित निकायमा जानकारी गराउन प्राधिकरणले आग्रह गरेको छ। यसबाट बेपत्ता व्यक्तिहरूको विवरण थप यकिन गर्न तथा अभिलेख अद्यावधिक गर्न सहयोग पुग्ने अपेक्षा गरिएको छ।
— नेपालसेज | प्रकाशित: २२ कात्तिक २०८३
Be the first to comment!
.gif)
प्रतिक्रिया दिनुहोस