आइतवार, कार्तिक २२ गते २०८३
बिहिवार , कार्तिक १९, २०८३
नेपालसेज/ काठमाडौं — अर्थमन्त्री डा. स्वर्णिम वाग्ले र अमेरिकाका कार्यवाहक मिसन उपप्रमुख मेगन बोल्डिनबीच आज भेटवार्ता भएको छ। भेटमा गत भदाैमा आएको बाढीपछिको राहत, पुनःस्थापना तथा पुनर्निर्माणका लागि अमेरिकाले प्रतिबद्धता जनाएको ३ करोड ६० लाख अमेरिकी डलरभन्दा बढीको सहयोगबारे छलफल भएको हो।
अर्थमन्त्री डा. स्वर्णिम वाग्ले र अमेरिकी कार्यवाहक मिसन उपप्रमुख मेगन बोल्डिनबीच भेटवार्ता भएको छ।
गत अगस्टको बाढीपछिको राहत, पुनःस्थापना र पुनर्निर्माणका लागि अमेरिकाले प्रतिबद्धता जनाएको ३ करोड ६० लाख डलरभन्दा बढी सहयोगबारे छलफल भएको छ।
अमेरिका नेपालको बाढी प्रतिकार्य तथा पुनःस्थापना प्रयासमा सबैभन्दा ठूलो सहयोगदाता रहेको छ।
पुनर्निर्माणमा अमेरिकी कम्पनी र प्रविधिले महत्त्वपूर्ण भूमिका खेल्न सक्ने बोल्डिनले बताएकी छन्।
नेपालको डिजिटल रूपान्तरण र व्यवसायमैत्री सुधारमार्फत अमेरिकी लगानी तथा व्यवसायका अवसर विस्तार हुन सक्ने विषयमा पनि चर्चा भएको छ।
.jpeg)
अमेरिका नेपालको बाढी प्रतिकार्य तथा पुनःस्थापना प्रयासमा सबैभन्दा ठूलो सहयोगदाता रहेको छ। भेटका क्रममा उक्त सहयोगको प्रभावकारी परिचालन तथा पुनर्निर्माण प्रक्रियामा अमेरिकी सहयोगको सम्भावित भूमिकाबारे छलफल भएको अर्थमन्त्रीकाे सचिवालयले जानकारी दिएकाे छ।
बोल्डिनले नेपालको पुनर्निर्माणमा अमेरिकी कम्पनी र प्रविधिले महत्त्वपूर्ण भूमिका खेल्न सक्ने बताएकी छन्। उनले मिलेनियम च्यालेन्ज कम्प्याक्ट (एमसीसी) मार्फत नेपालको विद्युत् तथा यातायात प्रणाली सुदृढ हुँदै गएको र यसले देशको पुनःस्थापना प्रक्रियामा समेत सहयोग पुर्याइरहेको उल्लेख गरेकी छन्।
भेटमा विपद् पुनःस्थापनाभन्दा परका विषयमा पनि छलफल भएको थियो। नेपालको डिजिटल रूपान्तरणका लागि आवश्यक सुधारमा अमेरिकी प्रविधिले योगदान दिन सक्ने बोल्डिनको भनाइ थियो।
त्यसैगरी, व्यवसायमैत्री सुधारलाई प्रभावकारी रूपमा कार्यान्वयन गर्न सके अमेरिकी कम्पनीका लागि नेपालमा लगानी तथा व्यवसाय विस्तारका नयाँ अवसर सिर्जना हुन सक्ने उनले बताएकी छन्।
Be the first to comment!
.gif)
प्रतिक्रिया दिनुहोस