सोमवार, कार्तिक २३ गते २०८३
लगातार दोस्रो जितसँगै जनकपुर अङ्क तालिकाको दोस्रो स्थानमा
आइतवार , कार्तिक १५, २०८३
लक्ष्य पछ्याउने क्रममा पोखराका कप्तान कुशल भुर्तेलले सर्वाधिक ३५ रन बनाए। उनले २४ बलमा पाँच चौका प्रहार गरे। त्यस्तै, विपिन आचार्यले २०, अविजित रहेका विपिन खत्रीले १७ तथा किरण ठगुन्नाले १५ रनको योगदान दिए। पोखराका अन्य ब्याटरले भने दोहोरो अङ्कमा रन बनाउन सकेनन्।
जनकपुर बोल्ट्सले पोखरा एभेन्जर्सलाई नौ रनले पराजित गर्यो।
जनकपुरले २० ओभरमा सात विकेट गुमाएर १४७ रन बनाएको थियो।
पोखराले निर्धारित ओभरमा नौ विकेट गुमाएर १३८ रन मात्र बनाउन सक्यो।
मोइन अलीले १३ रन दिएर सर्वाधिक तीन विकेट लिए।
चार अङ्क जोडेको जनकपुर तालिकाको दोस्रो स्थानमा उक्लियो।
.jpeg)
जनकपुरका बलर मोइन अलीले उत्कृष्ट प्रदर्शन गर्दै चार ओभरमा एक मेडनसहित १३ रन खर्चिएर तीन विकेट लिए। त्यस्तै, हरमित सिंह र सैफ हसनले समान दुई–दुई विकेट हात पारे। जिमी नीशम र ललितनारायण राजवंशीले एक–एक विकेट लिए।
त्यसअघि कीर्तिपुरस्थित त्रिभुवन अन्तर्राष्ट्रिय क्रिकेट मैदानमा टस हारेर पहिले ब्याटिङ गरेको जनकपुरले निर्धारित २० ओभरमा सात विकेट गुमाएर १४७ रन बनाएको थियो। जनकपुरका ओपनिङ ब्याटर तृतराज दासले अर्धशतकीय पारी खेल्ने क्रममा ५५ बलमा सात चौका र दुई छक्कासहित ६१ रन बनाए। जारी एनपिएल करिअरमा उनको यो पहिलो अर्धशतक हो।
जनकपुरका लागि मोइन अलीले १६ बलमा तीन चौका र एक छक्कासहित २१ रन बनाए। त्यस्तै, अविजित रहेका अभिषेक तिवारीले १० बलमा दुई छक्का र एक चौकासहित २४ रनको आक्रामक पारी खेले। जिमी नीशम ११ रनमा आउट भए। पोखराका बलर शाकिब अल हसनले चार ओभरमा १५ रन खर्चिएर तीन विकेट लिए। चमिका करुणारत्नेले दुई तथा मेहदी हसन र मोहम्मद सैफउद्दिनले समान एक–एक विकेट लिए।
यस जितसँगै जनकपुर बोल्ट्स तीन खेलबाट चार अङ्क जोड्दै अङ्क तालिकाको दोस्रो स्थानमा उक्लिएको छ। लगातार दुई खेलमा पराजित पोखरा एभेन्जर्स भने तीन खेलपछि पनि अङ्कविहीन रहँदै तालिकाको पुछारमा छ।
Be the first to comment!
.gif)
प्रतिक्रिया दिनुहोस