बुधवार, कार्तिक २५ गते २०८३
पूर्वप्रधानमन्त्री झलनाथ खनालले नेकपा परित्यागसँगै समाजवादी जागरण अभियान घोषणा गरेका छन्।
सोमवार , आश्विन १९, २०८३
नेपालसेज/काठमाडौँ
पूर्वप्रधानमन्त्री झलनाथ खनालले समाजवादी जागरण अभियान घोषणा गरेका छन्। सोमबार काठमाडौंमा पत्रकार सम्मेलन गर्दै खनालले नेकपा परित्यागसँगै नयाँ अभियान घोषणा गरेका हुन्।
पूर्वप्रधानमन्त्री झलनाथ खनालले काठमाडौंमा पत्रकार सम्मेलन गरी समाजवादी जागरण अभियान घोषणा गरेका छन्।
खनालले अभियान घोषणा गर्दै नेकपा परित्याग गरेको जानकारी दिएका छन्।
अभियानको पहिलो भेलाले १५ वटा विभिन्न प्रस्ताव पारित गरेको छ।
प्रस्तावमा विपद् जोखिमलाई ध्यानमा राखेर राष्ट्रिय नीति पुनरवलोकन गर्ने विषय समेटिएको छ।
अभियानले कम्युनिस्ट आन्दोलनको वैचारिक पुनर्गठनलाई समेत प्राथमिकतामा राखेको छ।
.jpeg)
खनाल नेतृत्वको अभियानको पहिलो भेलाले विभिन्न १५ वटा प्रस्तावसमेत पारित गरेको छ। अभियानले समसामयिक राजनीतिक तथा सामाजिक विषयसँगै समाजवादी धारलाई नयाँ ढंगबाट अघि बढाउने विषयलाई प्राथमिकतामा राखेको जनाएको छ।
पारित प्रस्तावमध्ये विपद् जोखिमलाई ध्यानमा राखी राष्ट्रिय नीति पुनरवलोकन गर्नुपर्ने विषयसमेत समेटिएको छ। पछिल्ला विपद्का घटनाबाट देखिएका चुनौतीलाई सम्बोधन गर्न राज्यको नीति तथा तयारीमा पुनरवलोकन आवश्यक रहेको अभियानको निष्कर्ष छ।
त्यस्तै, कम्युनिस्ट आन्दोलनको वैचारिक पुनर्गठनलाई समेत अभियानले प्राथमिक विषयका रूपमा अघि सारेको छ। अभियानमार्फत समाजवादी राजनीतिक धारलाई संगठित र प्रभावकारी बनाउने लक्ष्य राखिएको बताइएको छ।
खनालले नेकपा परित्याग गरेसँगै सुरु गरेको यस अभियानलाई आगामी राजनीतिक गतिविधिको आधारका रूपमा अघि बढाउने तयारी गरेका छन्।
Be the first to comment!
.gif)
प्रतिक्रिया दिनुहोस