बुधवार, कार्तिक २५ गते २०८३
ललितपुरको च्यासलमा पुललाई बाढीले छोएपछि काठमाडौं उपत्यका ट्राफिक प्रहरीले करिडोरमा यात्रा नगर्न आग्रह गरेको छ।
शुक्रवार , आश्विन ९, २०८३
नेपालसेज/ललितपुर ।
ललितपुरको च्यासलमा अवस्थित पुललाई बाढीले छोएपछि ट्राफिक प्रहरीले करिडोरमा यात्रा नगर्न सर्वसाधारणलाई आग्रह गरेको छ। काठमाडौं उपत्यकाका खोला तथा नदीमा जलसतह बढेसँगै तटीय क्षेत्रमा जोखिम बढेपछि ट्राफिक प्रहरीले माइकिङमार्फत यात्रुलाई सचेत गराएको हो। च्यासल पुलसहित जोखिमयुक्त क्षेत्रमा प्रहरी परिचालन गरिएको छ। खोला तथा नदी किनारका सडकमा पार्किङ गरिएका सवारीसाधनसमेत हटाउन भनिएको छ। लगातारको वर्षाका कारण उपत्यकाका नदी तथा खोलामा जलसतह थप बढ्न सक्ने भएकाले सावधानी अपनाउन प्रहरीले आग्रह गरेको छ।
ललितपुरको च्यासलस्थित पुललाई बाढीले छोएपछि करिडोरमा यात्रा नगर्न ट्राफिक प्रहरीको आग्रह।
काठमाडौं उपत्यकाका खोला तथा नदीमा जलसतह बढेपछि तटीय क्षेत्रमा निगरानी बढाइएको छ।
खोला तथा नदी किनारमा पार्किङ गरिएका सवारीसाधन हटाउन ट्राफिक प्रहरीले अनुरोध गरेको छ।
च्यासल पुलसहित जोखिमयुक्त स्थानमा सुरक्षाकर्मी परिचालन गरिएको छ।
बंगालको खाडीमा विकसित न्यूनचापीय प्रणालीको प्रभावले नेपालमा वर्षा भइरहेको मौसमविद्को भनाइ।
.jpeg)
काठमाडौं उपत्यका ट्राफिक प्रहरी कार्यालय रामशाहपथका प्रवक्ता नरेशराज सुवेदीका अनुसार काठमाडौंका खोला तथा नदीमा जलसतह बढेपछि तटीय क्षेत्रमा निगरानी बढाइएको छ। करिडोरमा यात्रा नगर्न भन्दै विभिन्न स्थानमा माइकिङ गरिएको उनले जानकारी दिए।
उनका अनुसार खोला तथा नदी किनारका सडकमा पार्किङ गरिएका सवारीसाधन हटाउन पनि भनिएको छ। च्यासल पुललगायत जोखिमयुक्त स्थानमा प्रहरीहरू परिचालन गरिएको र अवस्थाको निरन्तर निगरानी भइरहेको उनले बताए।
यसैबीच, मौसमविद्हरूका अनुसार बंगालको खाडीमा विकसित न्यूनचापीय प्रणालीको प्रभावका कारण नेपालमा वर्षा भइरहेको छ। उक्त प्रणाली पूर्वबाट क्रमशः पश्चिमतर्फ सर्दै गएको जनाइएको छ।
मौसमविद् रोजन लामिछानेका अनुसार यही प्रणालीका कारण भोलिबाट पूर्वी क्षेत्रको तुलनामा बागमतीदेखि पश्चिमतर्फका जिल्लामा बढी वर्षा हुने सम्भावना रहेको छ। वर्षाको अवस्थालाई ध्यानमा राख्दै नदी, खोला तथा तटीय क्षेत्रमा यात्रा गर्दा थप सावधानी अपनाउनुपर्ने देखिएको छ।
Be the first to comment!
.gif)
प्रतिक्रिया दिनुहोस