बुधवार, कार्तिक २५ गते २०८३
हङकङमा उपचाररत देउवा चिकित्सकको थप आरामको सल्लाहपछि साउन २४ गते नेपाल फर्किने, यसबीच कांग्रेसभित्र नयाँ नेतृत्वबारे बहस चुलिँदै।
शनिवार , श्रावण १६, २०८३
NepalSays | काठमाडौं
नेपाली कांग्रेसका निवर्तमान सभापति शेरबहादुर देउवा साउन २४ गते नेपाल फर्किने भएका छन्।
उनी हाल स्वास्थ्य उपचारका लागि हङकङमा रहेका छन्।
सुरुमा साउन १३ गते फर्किने तयारी भए पनि योजना परिवर्तन भएको हो।
चिकित्सकले थप एक साता आराम गर्न सुझाव दिएपछि फर्किने मिति सारिएको हो।
स्वास्थ्यमा सुधार भएपछि चिकित्सकीय सल्लाहअनुसार नेपाल फर्कने तयारी गरिएको छ।
.jpeg)
नेपाली कांग्रेसका निवर्तमान सभापति शेरबहादुर देउवा स्वास्थ्य उपचारपछि साउन २४ गते नेपाल फर्किने भएका छन्। हाल उनी हङकङमा चिकित्सकीय निगरानीमा उपचाररत छन्। उनी निकट स्रोतका अनुसार चिकित्सकको सल्लाहपछि स्वदेश फर्किने मिति एक साताले सारिएको हो। सुरुमा देउवाले साउन १३ गते नै नेपाल फर्किने तयारी गरेका थिए। तर अन्तिम स्वास्थ्य परीक्षणपछि चिकित्सकले थप एक साता आराम गर्न सुझाव दिएपछि फर्किने मिति साउन २४ गते तय गरिएको स्रोतले जनाएको छ। देउवाको स्वास्थ्य अवस्था सुधारोन्मुख रहेको बताइएको छ।
देउवाको अनुपस्थितिमा नेपाली कांग्रेसभित्र आगामी महाधिवेशन, नेतृत्व हस्तान्तरण तथा संगठनात्मक पुनर्संरचनाबारे विभिन्न तहमा छलफल भइरहेको छ। वरिष्ठ नेताहरूबीच भावी रणनीति र नेतृत्वका विषयमा निरन्तर परामर्श भइरहेको स्रोतहरूको भनाइ छ।
यसैबीच, कांग्रेसभित्र डा. शशांक कोइरालाको नेतृत्वमा नयाँ राजनीतिक पहल वा नयाँ संरचनाबारे चर्चा समेत सुरु भएको राजनीतिक वृत्तमा चर्चा छ। यद्यपि, यस विषयमा नेपाली कांग्रेस वा डा. शशांक कोइरालाको तर्फबाट कुनै आधिकारिक घोषणा वा निर्णय सार्वजनिक भएको छैन।
देउवा स्वदेश फर्किएपछि कांग्रेसको आन्तरिक राजनीतिले थप गति लिने अपेक्षा गरिएको छ। उनको उपस्थितिपछि नेतृत्व, महाधिवेशन र पार्टीको भावी रणनीतिसम्बन्धी छलफल थप स्पष्ट हुने राजनीतिक विश्लेषकहरूको अनुमान छ।
Be the first to comment!
.gif)
प्रतिक्रिया दिनुहोस