बुधवार, कार्तिक २५ गते २०८३
नदीमा पानीको बहाव बढेपछि टेकु कालो पुल क्षेत्रस्थित कोरिडोरको बाटो जलमग्न भएको छ।
शुक्रवार , आश्विन ९, २०८३
नेपालसेज/काठमाडौं ।
निरन्तरको वर्षाका कारण काठमाडौंको टेकु कालो पुल क्षेत्रस्थित कोरिडोरको बाटो डुबानमा परेको छ। नदीमा पानीको बहाव बढेपछि सो क्षेत्रको सडक जलमग्न भएको हो। सडकमा पानी जम्दा सवारीसाधन तथा पैदल यात्रुको आवतजावतमा समस्या भएको छ। लगातार वर्षा भइरहेकाले नदी तथा तटीय क्षेत्रमा थप पानीको बहाव बढ्न सक्ने जोखिम छ। काठमाडौं उपत्यकाका अन्य तटीय क्षेत्र र कोरिडोरमा समेत डुबानको जोखिम बढेको जनाइएको छ।
लगातारको वर्षाका कारण काठमाडौंको टेकु कालो पुल क्षेत्रस्थित कोरिडोर डुबानमा परेको छ।
नदीमा पानीको बहाव बढेपछि सो क्षेत्रको सडक जलमग्न भएर आवतजावत प्रभावित भएको छ।
काठमाडौं उपत्यकाका अन्य तटीय क्षेत्र र कोरिडोरमा समेत डुबानको जोखिम बढेको छ।
देशभर मनसुनी र पश्चिमी वायुको आंशिक प्रभावसँगै न्यून चापीय प्रणालीको प्रभाव रहेको छ।
बागमतीसहित विभिन्न प्रदेशका धेरै स्थानमा हल्कादेखि मध्यम वर्षा भइरहेको छ।
.jpeg)
जल तथा मौसम विज्ञान विभागका अनुसार हाल देशभर मनसुनी वायुका साथै पश्चिमी वायुको समेत आंशिक प्रभाव रहेको छ। भारतको उत्तर महाराष्ट्र तथा छत्तीसगढ प्रदेश आसपास रहेको बलियो न्यून चापीय प्रणालीको प्रभाव पनि नेपालमा परेको विभागले जनाएको छ।
उक्त न्यून चापीय प्रणाली उत्तर–उत्तरपश्चिमतर्फ सर्दै आगामी २४ घण्टामा क्रमशः कमजोर न्यून चापीय प्रणालीका रूपमा रहने सम्भावना रहेको विभागले जनाएको छ।
हाल देशभर अधिकांश क्षेत्रमा बादल लागेको छ। बागमतीसहित कोशी, मधेस, गण्डकी र लुम्बिनी प्रदेशका धेरै स्थानमा तथा कर्णाली र सुदूरपश्चिम प्रदेशका केही स्थानमा हल्कादेखि मध्यम वर्षा भइरहेको छ।
लगातारको वर्षाका कारण काठमाडौं उपत्यकाका नदी तथा तटीय क्षेत्र आसपासका सडकमा पानीको सतह बढ्न सक्ने भएकाले यात्रु तथा चालकलाई सावधानी अपनाउन आवश्यक देखिएको छ।
Be the first to comment!
.gif)
प्रतिक्रिया दिनुहोस