बुधवार, कार्तिक २५ गते २०८३
सुनसरी घटनापछि राष्ट्रका नाममा सम्बोधन गर्दै प्रधानमन्त्रीले निष्पक्ष छानबिन, कानुनी कारबाही र राष्ट्रिय एकतामा जोड दिए।
बिहिवार , श्रावण १४, २०८३
प्रधानमन्त्रीले राष्ट्रका नाममा सम्बोधन गर्दै पछिल्ला घटनाक्रमप्रति गहिरो दुःख व्यक्त गरेका छन्। उनले ज्यान गुमाएकाप्रति श्रद्धाञ्जली अर्पण गर्दै शोकसन्तप्त परिवारप्रति समवेदना र घाइतेहरूको शीघ्र स्वास्थ्यलाभको कामना गरेका छन्। सम्बोधनका क्रममा प्रधानमन्त्रीले नेपाल विविध जाति, भाषा, धर्म र संस्कृतिले सम्पन्न मुलुक भएको उल्लेख गर्दै सामाजिक तथा धार्मिक सद्भाव कायम राख्नु सबै नेपालीको साझा दायित्व भएको बताए। कुनै पनि घटना वा उत्तेजनाका कारण समाजमा विभाजन सिर्जना हुन नदिन सबैलाई संयम अपनाउन उनले आग्रह गरे।
प्रधानमन्त्रीद्वारा राष्ट्रका नाममा सम्बोधन, पछिल्ला घटनाप्रति गहिरो दुःख व्यक्त।
घटनाको निष्पक्ष छानबिन र दोषीमाथि कानुनी कारबाही हुने प्रतिबद्धता।
सामाजिक तथा धार्मिक सद्भाव कायम राख्न सबै नागरिकलाई संयम अपनाउन आग्रह।
अफवाह, घृणा र हिंसा भड्काउने गतिविधिबाट टाढा रहन अपिल।
"अशान्तिको बादल हटाऔँ" भन्दै राष्ट्रिय एकता र सामाजिक सद्भावका लागि सबैलाई एकजुट हुन आह्वान।
.jpeg)
प्रधानमन्त्रीले घटनाको निष्पक्ष, स्वतन्त्र र पारदर्शी छानबिन हुने तथा दोषी जोसुकै भए पनि कानुनी दायरामा ल्याइने स्पष्ट पारे। नागरिकको सुरक्षा, शान्ति र कानुनी शासन कायम राख्न सरकार पूर्ण रूपमा प्रतिबद्ध रहेको उनको भनाइ थियो।
उनले सामाजिक सञ्जाल तथा विभिन्न माध्यमबाट फैलाइने अफवाह, घृणा र उत्तेजनाबाट टाढा रहन सबैलाई आग्रह गर्दै सत्य र जिम्मेवार अभिव्यक्तिको संस्कृतिलाई बलियो बनाउनुपर्ने बताए।
सम्बोधनको अन्त्यमा प्रधानमन्त्रीले सबै नेपालीलाई राष्ट्रिय एकता, सामाजिक सद्भाव र सहिष्णुताको पक्षमा उभिन आग्रह गर्दै भने,
"हामी सबैले जिम्मेवार नागरिकको भूमिका निर्वाह गर्दै यो सुन्दर र शान्त नेपाली आकाशमा मडारिएको अशान्तिको बादल हटाउनुपर्नेछ।"
Be the first to comment!
.gif)
प्रतिक्रिया दिनुहोस