बुधवार, कार्तिक २५ गते २०८३
७१औँ प्रहरी दिवसका अवसरमा प्रधानमन्त्री बालेन्द्र शाहले प्रहरी अस्पताललाई मेडिकल कलेजका रूपमा विकास गर्ने र साइबर तथा वित्तीय अपराध नियन्त्रणमा आधुनिक प्रविधिको प्रयोग बढाउने सरकारको प्राथमिकता रहेको बताएका छन्।
शुक्रवार , आश्विन ३०, २०८३
नेपालसेज/ काठमाडौँ।
प्रधानमन्त्री बालेन्द्र शाहले नेपाल प्रहरी अस्पताललाई मेडिकल कलेजका रूपमा विकास गर्ने तयारी भइरहेको बताएका छन्। ७१औँ प्रहरी दिवसका अवसरमा शुक्रबार शुभकामना सन्देश दिँदै उनले प्रहरीको क्षमता अभिवृद्धि, आधुनिक प्रविधिको प्रयोग र पूर्वाधार विकासलाई सरकारले प्राथमिकता दिएको बताएका हुन्। प्रधानमन्त्री शाहको सन्देश प्रहरी महानिरीक्षक कार्कीले कार्यक्रममा वाचन गरेका थिए। सन्देशमा नेपाल प्रहरीलाई विपद् व्यवस्थापन, आधुनिक प्रविधि, तालिम र पूर्वाधारका क्षेत्रमा थप सक्षम बनाउने सरकारको प्रतिबद्धता उल्लेख गरिएको छ।
प्रधानमन्त्री बालेन्द्र शाहले नेपाल प्रहरी अस्पताललाई मेडिकल कलेजका रूपमा विकास गर्ने तयारी भइरहेको बताएका छन्।
प्रहरीको क्षमता अभिवृद्धि, आधुनिक प्रविधि र पूर्वाधार विकासलाई सरकारले प्राथमिकता दिएको छ।
साइबर तथा वित्तीय अपराध नियन्त्रणमा कृत्रिम बौद्धिकता र आधुनिक सुरक्षा प्रणालीको प्रयोग बढाइनेछ।
विपद् व्यवस्थापन र तालिमका क्षेत्रमा प्रहरीलाई थप सक्षम बनाउने सरकारको प्रतिबद्धता छ।
आन्तरिक शान्ति र सुरक्षा कायम गर्न प्रहरीको भूमिका महत्वपूर्ण रहेको प्रधानमन्त्री शाहले बताएका छन्।
.jpeg)
‘नेपाल प्रहरीलाई विपद् व्यवस्थापन, आधुनिक प्रविधि, तालिम र पूर्वाधारका क्षेत्रमा अझ सक्षम बनाउन सरकार प्रतिबद्ध छ,’ सन्देशमा भनिएको छ। प्रहरी अस्पताललाई मेडिकल कलेजका रूपमा विकास गर्नुका साथै साइबर तथा वित्तीय अपराध नियन्त्रण र कृत्रिम बौद्धिकता एवं आधुनिक सुरक्षा प्रणालीको उपयोग बढाउने कार्यलाई प्राथमिकता दिइएको पनि सन्देशमा उल्लेख छ।
प्रधानमन्त्री शाहले आन्तरिक शान्ति र सुरक्षा कायम गर्न नेपाल प्रहरीको भूमिका महत्वपूर्ण रहेको बताएका छन्। सङ्कटका बेला धैर्य कायम राख्दै सही निर्णय र कुशल कार्यसम्पादनमार्फत जनताको विश्वास जित्नुपर्ने उनको भनाइ छ। प्रहरीको क्षमता अभिवृद्धिमा सहयोग गर्ने मित्रराष्ट्र तथा विकास साझेदारहरूप्रति पनि प्रधानमन्त्री शाहले धन्यवाद व्यक्त गरेका छन्।
प्रहरीलाई थप सक्षम बनाउँदै सुरक्षा व्यवस्थालाई प्रभावकारी बनाउन सरकारले विभिन्न क्षेत्रमा प्राथमिकताका साथ काम गर्ने सन्देशमा उल्लेख गरिएको छ।
Be the first to comment!
.gif)
प्रतिक्रिया दिनुहोस