बुधवार, कार्तिक २५ गते २०८३
पछिल्ला अभिव्यक्तिका सम्बन्धमा सोधपुछका लागि साइबर ब्युरोको टोलीले प्रसाईंलाई सोमबार बिहान पक्राउ गरेको प्रहरीले जनाएको छ।
सोमवार , आश्विन १२, २०८३
नेपालसेज / काठमाडौं ।
मेडिकल व्यवसायी दुर्गा प्रसाईंलाई नेपाल प्रहरीको साइबर ब्युरोले सोमबार बिहान पक्राउ गरेको छ। प्रहरीका अनुसार पछिल्ला दिनमा प्रसाईंले दिएका अभिव्यक्तिका सम्बन्धमा सोधपुछ गर्न उनलाई नियन्त्रणमा लिइएको हो। प्रसाईंलाई साइबर ब्युरोको टोलीले पक्राउ गरेको पुष्टि भएको छ।यसअघि २९ भदौमा झापाबाट काठमाडौं आएका प्रसाईंले त्रिभुवन अन्तर्राष्ट्रिय विमानस्थल परिसरमा कार्यक्रम गर्न खोजेका थिए। विमानस्थल परिसरमा कार्यक्रम गर्न नमिल्ने भन्दै प्रहरीले उनलाई त्यहाँबाट घर पठाएको थियो। त्यस घटनामा प्रहरीले उनलाई पक्राउ गरेको नभई कार्यक्रम गर्न नदिएर भक्तपुरस्थित निवास पठाइएको जनाएको थियो।
मेडिकल व्यवसायी दुर्गा प्रसाईं सोमबार बिहान पक्राउ
नेपाल प्रहरीको साइबर ब्युरोको टोलीले पक्राउ गरेको
पछिल्ला अभिव्यक्तिबारे सोधपुछका लागि नियन्त्रणमा लिइएको प्रहरीको भनाइ
यसअघि भदौ २९ मा विमानस्थलमा कार्यक्रम गर्न खोज्दा प्रहरीले उनलाई घर पठाएको थियो
सांसद रचना खतिवडा खत्रीले प्रसाईंविरुद्ध कारबाहीको माग गरेकी थिइन्
.jpeg)
विमानस्थलमा प्रसाईंलाई सञ्चारमाध्यमसँग प्रतिक्रिया दिन रोकिएपछि उनका समर्थक र प्रहरीबीच केही समय तनावसमेत भएको थियो। त्यसपछि प्रहरीले प्रसाईंलाई विमानस्थलबाट घरतर्फ पठाएको थियो। घटनाका क्रममा प्रसाईंले सरकार तथा प्रहरीको भूमिकाबारे अभिव्यक्ति दिएका थिए।
यसैबीच राष्ट्रिय स्वतन्त्र पार्टीकी सांसद रचना खतिवडा खत्रीले प्रसाईंका अभिव्यक्तिप्रति आपत्ति जनाउँदै कारबाहीको माग गरेकी थिइन्। प्रतिनिधिसभाको विशेष समयमा बोल्दै उनले प्रसाईंले आफ्ना छोराको मृत्यु र आफूले पाएको सांसद पदलाई जोडेर आरोप लगाएको भन्दै त्यसको खण्डन गरेकी थिइन्।
खत्रीले आफूले छोराको बलिदानसँग सांसद पद साटेको भन्ने आरोप अस्वीकार गर्दै भावुक सम्बोधन गरेकी थिइन्। उनले यस्ता आरोप लगाउनुअघि धेरैपटक सोच्न आग्रह गर्दै प्रसाईंमाथि कारबाहीको माग गरेकी थिइन्।
प्रसाईंलाई अहिले कुन कसुरमा अनुसन्धान अघि बढाइने हो भन्ने विषयमा थप विवरण आउन बाँकी छ। साइबर ब्युरोले पछिल्ला अभिव्यक्तिका सम्बन्धमा सोधपुछका लागि उनलाई नियन्त्रणमा लिएको जनाएको छ।
Be the first to comment!
.gif)
प्रतिक्रिया दिनुहोस