बुधवार, कार्तिक २५ गते २०८३
दशैंको सार्वजनिक बिदाका कारण पहिलो चरणको राष्ट्रिय कार्यक्रमको मिति परिवर्तन, ६ देखि ५९ महिनाका बालबालिकालाई भिटामिन ‘ए’ र १२ देखि ५९ महिनालाई जुकाको औषधि खुवाइने
आइतवार , कार्तिक १, २०८३
नेपालसेज/ काठमाडौँ।
दशैंको सार्वजनिक बिदाका कारण यस वर्ष बालबालिकालाई भिटामिन ‘ए’ र जुकाको औषधि खुवाउने कार्यक्रमको मिति परिवर्तन भएको छ। स्वास्थ्य सेवा विभागका अनुसार पहिलो चरणको राष्ट्रिय भिटामिन ‘ए’ तथा जुकाको औषधि वितरण कार्यक्रम कात्तिक १७ र १८ गते सञ्चालन हुने भएको छ।
दशैंको सार्वजनिक बिदाका कारण भिटामिन ‘ए’ र जुकाको औषधि खुवाउने कार्यक्रम सरेको छ।
पहिलो चरणको कार्यक्रम कात्तिक १७ र १८ गते सञ्चालन हुने भएको छ।
६ देखि ५९ महिनासम्मका बालबालिकालाई भिटामिन ‘ए’ क्याप्सुल खुवाइनेछ।
१२ देखि ५९ महिनासम्मका बालबालिकालाई जुकाको औषधि दिइनेछ।
स्वास्थ्य सेवा विभागले बालबालिकालाई नजिकैको औषधि वितरण केन्द्रमा लैजान अभिभावकलाई आग्रह गरेको छ।
.jpeg)
सरकारले हरेक वर्ष पहिलो चरणमा कात्तिक २ र ३ गते तथा दोस्रो चरणमा वैशाख ६ र ७ गते बालबालिकालाई भिटामिन ‘ए’ र जुकाको औषधि खुवाउँदै आएको छ। तर, यस वर्ष कात्तिक २ र ३ गते दशैंको सार्वजनिक बिदा परेकाले पहिलो चरणको कार्यक्रम निर्धारित समयभन्दा पछि सञ्चालन गर्न लागिएको विभागले जनाएको छ।
कार्यक्रमअन्तर्गत ६ देखि ५९ महिनासम्मका बालबालिकालाई भिटामिन ‘ए’ क्याप्सुल खुवाइनेछ। त्यस्तै, १२ देखि ५९ महिनासम्मका बालबालिकालाई जुकाको औषधि दिइनेछ। विभागले तोकिएको मितिमा आफ्ना बालबालिकालाई नजिकैको भिटामिन ‘ए’ तथा जुकाको औषधि वितरण केन्द्रमा लगेर औषधि खुवाउन अभिभावकलाई आग्रह गरेको छ।
बालबालिकामा भिटामिन ‘ए’ को कमी हुन नदिन र जुकाको संक्रमणबाट हुने स्वास्थ्य समस्याको जोखिम घटाउन सरकारले नियमित रूपमा यो कार्यक्रम सञ्चालन गर्दै आएको छ।
Be the first to comment!
.gif)
प्रतिक्रिया दिनुहोस