बुधवार, कार्तिक २५ गते २०८३
अविरल वर्षाका कारण बाढी र पहिरोको जोखिम बढ्न सक्ने भन्दै नेपाल राष्ट्रिय यातायात व्यवसायी महासंघले असोज १२ गतेसम्म यात्रामा सावधानी अपनाउन आग्रह गरेको छ।
बुधवार , आश्विन ७, २०८३
नेपालसेज/काठमाडौं
बिहीबारदेखि राति तथा लामो दूरीको यात्रा नगर्न नेपाल राष्ट्रिय यातायात व्यवसायी महासंघले आग्रह गरेको छ। महासंघले बुधबार विज्ञप्ति जारी गर्दै असोज १२ गतेसम्म यातायात सेवा सञ्चालन गर्नुअघि बाटोको अवस्था र मौसमबारे अनिवार्य जानकारी लिन आफ्ना सदस्यलाई आग्रह गरेको हो। महासंघले अत्यावश्यक कामबाहेक टाढाको यात्रा नगर्न सर्वसाधारणलाई समेत अनुरोध गरेको छ। पछिल्ला दिनमा लगातार वर्षा भइरहेकाले सडकमा बाढी र पहिरोको जोखिम बढ्न सक्ने भन्दै यात्राका क्रममा विशेष सावधानी अपनाउन भनिएको छ।
नेपाल राष्ट्रिय यातायात व्यवसायी महासंघले बिहीबारदेखि राति र लामो दूरीको यात्रा नगर्न आग्रह गरेको छ।
अत्यावश्यक कामबाहेक टाढाको यात्रा नगर्न महासंघको सुझाव छ।
यातायात सञ्चालन गर्नुअघि सडकको अवस्था र मौसमबारे अनिवार्य जानकारी लिन भनिएको छ।
असोज १२ गतेसम्म यात्रामा विशेष सावधानी अपनाउन महासंघले आफ्ना सदस्यलाई आग्रह गरेको छ।
अविरल वर्षाका कारण सडकमा बाढी र पहिरोको जोखिम बढ्न सक्ने भन्दै सतर्कता अपनाउन भनिएको छ।
.jpeg)
बिहीबारदेखि रातिको समयमा समेत यात्रा नगर्न महासंघले आग्रह गरेको छ। सडकको अवस्था अचानक बिग्रिन सक्ने र वर्षाका कारण यात्रा जोखिमपूर्ण हुन सक्ने भएकाले सम्भावित जोखिमलाई ध्यानमा राखेर यस्तो आग्रह गरिएको महासंघले जनाएको छ।
यसअघि राष्ट्रिय विपद् जोखिम न्यूनीकरण तथा व्यवस्थापन प्राधिकरणले पनि लगातारको वर्षालाई ध्यानमा राख्दै यातायात तथा सम्बन्धित निकायलाई आवश्यक सतर्कता अपनाउन आग्रह गरिसकेको थियो। सोही अनुरूप महासंघले आफ्ना सदस्यलाई यातायात सञ्चालनमा सावधानी अपनाउन भनेको हो। यस साता विभिन्न क्षेत्रमा अविरल वर्षाको सम्भावना रहेको र त्यसका कारण सडकमा बाढी तथा पहिरोको जोखिम बढ्न सक्ने सरकारले जनाएको छ। महासंघले पनि मौसम र सडकको अवस्था हेरेर मात्रै यात्रा तथा यातायात सेवा सञ्चालन गर्न आग्रह गरेको छ।
Be the first to comment!
.gif)
प्रतिक्रिया दिनुहोस