NepalSays/ काठमाडौं ।
सन नेपाल लाइफ इन्सुरेन्स कम्पनी लिमिटेडले गण्डकी तथा नारायणी क्षेत्रअन्तर्गतका Agency Development Manager (ADM) तथा Sun Emerging Club मा योग्य अभिकर्ताहरूलाई सम्मान गरेको छ। कम्पनीको आयोजनामा पोखरास्थित होटल निवासमा आयोजित कार्यक्रममा योग्य ADM तथा अभिकर्ताहरूलाई सम्मान तथा प्रोत्साहन प्रदान गरिएको हो। कार्यक्रममा कम्पनीका प्रमुख कार्यकारी अधिकृत राजकुमार अर्यालको प्रमुख आतिथ्यता तथा Chief Marketing Officer गणेश चौलागाईंको विशेष आतिथ्यता रहेको थियो।

सम्पादकीय सारांश

Verified

गण्डकी तथा नारायणी क्षेत्रका योग्य ADM र अभिकर्ता सम्मानित।

पोखरास्थित होटल निवासमा सम्मान कार्यक्रम आयोजना।

CEO राजकुमार अर्यालको प्रमुख आतिथ्यमा कार्यक्रम सम्पन्न।

Sales Policy 2083/84 तथा अभिकर्ताका सेवा–सुविधाबारे जानकारी दिइयो।

कम्पनीले अभिकर्ता विकास र सम्मानलाई निरन्तरता दिने प्रतिबद्धता जनाएको छ।

कार्यक्रममा गण्डकी तथा नारायणी क्षेत्रका प्रदेश प्रमुख ईश्वर विकल सापकोटाले कार्यक्रमको औचित्यमाथि प्रकाश पार्दै ADM तथा अभिकर्ताहरूको क्षमता, सक्रियता र व्यावसायिक विकासमा यस्ता कार्यक्रमले महत्वपूर्ण योगदान पुर्‍याउने बताउनुभयो।

कार्यक्रमलाई सम्बोधन गर्दै प्रमुख कार्यकारी अधिकृत राजकुमार अर्यालले अभिकर्ताहरू नै कम्पनीको व्यवसाय विस्तारका प्रमुख आधार रहेको उल्लेख गर्नुभयो। उहाँले आगामी दिनमा पनि अभिकर्ताको वृद्धि, विकास, प्रोत्साहन तथा सम्मानका लागि यस्ता कार्यक्रमलाई निरन्तरता दिइने प्रतिबद्धता व्यक्त गर्नुभयो।

त्यसैगरी, Chief Marketing Officer गणेश चौलागाईंले कम्पनीबाट अभिकर्ता तथा ADMहरूले प्राप्त गर्ने विभिन्न सेवा–सुविधा, ADM को भूमिका तथा Sales Policy 2083/84 का प्रमुख विषयवस्तुबारे जानकारी गराउनुभयो। उहाँले नयाँ बिक्री नीति तथा योजनालाई प्रभावकारी रूपमा कार्यान्वयन गर्दै व्यवसाय विस्तारमा थप सक्रिय हुन अभिकर्ताहरूलाई आग्रह गर्नुभयो।

कार्यक्रममा योग्य ADM तथा Sun Emerging Club का अभिकर्ताहरूलाई सम्मान तथा प्रोत्साहन प्रदान गरिएको थियो। सम्मान कार्यक्रमले अभिकर्ताहरूमा थप ऊर्जा, उत्साह र आगामी दिनमा उत्कृष्ट व्यवसाय प्रदर्शन गर्ने प्रेरणा मिलेको सहभागीहरूले बताएका छन्।

सन नेपाल लाइफ इन्सुरेन्स कम्पनी लिमिटेडले देशभरका करिब १५० शाखा तथा सेवा सञ्जालमार्फत ग्राहकलाई जीवन बीमासम्बन्धी सेवा तथा जानकारी प्रदान गर्दै आएको छ। कम्पनीले आगामी दिनमा पनि अभिकर्ता तथा एजेन्सी सञ्जालको क्षमता अभिवृद्धि, व्यावसायिक विकास र सम्मानलाई प्राथमिकतामा राख्दै अघि बढ्ने जनाएको छ।