बुधवार, कार्तिक २५ गते २०८३
हिन्दी तथा दक्षिण भारतीय चलचित्रका चर्चित अभिनेता प्रकाश राजले जन्तर–मन्तरमा पुगेर आन्दोलनकारीसँग ऐक्यबद्धता जनाए, भारतीय संविधानको प्रति हातमा लिएर सम्बोधन गरे।
शुक्रवार , श्रावण ८, २०८३
काठमाडौं | NepalSays
प्रकाश राज दिल्लीमा जारी CJP आन्दोलनमा सहभागी भए।
उनले ‘चलो संसद’ मार्चमा सहभागी हुँदै आन्दोलनकारीलाई सम्बोधन गरे।
प्रकाश राजले भारतीय संविधानको प्रति हातमा लिएर समर्थन व्यक्त गरे।
आन्दोलन NEET-UG प्रश्नपत्र चुहावट र शिक्षा सुधारको मागसँग सम्बन्धित छ।
.jpeg)
हिन्दी तथा दक्षिण भारतीय चलचित्रका चर्चित अभिनेता प्रकाश राज भारतको राजधानी नयाँ दिल्लीमा जारी Cockroach Janata Party (CJP)को आन्दोलनमा सहभागी भएका छन्। उनले जन्तर–मन्तर पुगेर आन्दोलनकारीसँग ऐक्यबद्धता जनाउँदै ‘चलो संसद’ मार्चमा पनि सहभागिता जनाएका हुन्। प्रकाश राजले आन्दोलनस्थलमा भारतीय संविधानको प्रति हातमा लिएर प्रदर्शनकारीलाई सम्बोधन गरेका थिए। उनले लोकतान्त्रिक अधिकार, अभिव्यक्ति स्वतन्त्रता र विद्यार्थीको आवाज सुन्नुपर्ने आवश्यकता रहेको बताएका विभिन्न भारतीय सञ्चारमाध्यमले जनाएका छन्।
यो आन्दोलन मुख्य रूपमा NEET-UG परीक्षा प्रश्नपत्र चुहावट, शिक्षा प्रणालीमा सुधार तथा जवाफदेहिताको मागसँग जोडिएको छ। आन्दोलनले पछिल्ला दिनहरूमा देशभर व्यापक समर्थन पाएको छ भने केही चर्चित कलाकार र सामाजिक अभियन्ताले पनि सार्वजनिक रूपमा समर्थन जनाएका छन्। प्रकाश राजसँगै अभिनेत्री शबाना आजमी लगायतका केही कलाकार पनि आन्दोलनस्थल पुगेका थिए। उनीहरूको सहभागितापछि सामाजिक सञ्जालमा आन्दोलन र कलाकारहरूको भूमिकाबारे व्यापक बहस भइरहेको छ।
यसैबीच, CJP ले आन्दोलनलाई थप विस्तार गर्दै देशभर शान्तिपूर्ण प्रदर्शनको आह्वान गरेको छ भने सरकारले परीक्षा चुहावटमा संलग्नमाथि कारबाहीका लागि विशेष अदालत गठन गर्ने घोषणा गरेको छ। आन्दोलनकारीहरूले भने संरचनागत सुधार र जवाफदेहिताको माग दोहोर्याएका छन्।
Be the first to comment!
.gif)
प्रतिक्रिया दिनुहोस