बुधवार, कार्तिक २५ गते २०८३
दक्षिण कोरियाको ईपीएस आवेदनकर्ताको संख्या बढेपछि साउन १४ देखि २२ गतेसम्म विशेष सेवा सञ्चालन
बुधवार , श्रावण १३, २०८३
NepalSays | काठमाडौं
ईपीएस आवेदनकर्ताको चाप बढेपछि राहदानी विभागले दुई सिफ्टमा सेवा दिने।
साउन १४ देखि २२ गतेसम्म बिहान ७ बजेदेखि राति ९ बजेसम्म सेवा सञ्चालन।
शनिबार, आइतबार तथा सार्वजनिक बिदामा पनि राहदानी सेवा खुला रहने।
बिदाका दिन बिहान १० बजेदेखि बेलुकी ४ बजेसम्म सेवा प्रवाह गरिने।
सेवाग्राहीलाई समयमै र सहज सेवा उपलब्ध गराउन विशेष व्यवस्था लागू।
.jpeg)
दक्षिण कोरियामा रोजगारीका लागि रोजगार अनुमति प्रणाली (ईपीएस) अन्तर्गत आवेदन दिने नेपालीको संख्या उल्लेख्य रूपमा बढेपछि राहदानी विभागले विद्युतीय राहदानी सेवा दुई सिफ्टमा सञ्चालन गर्ने निर्णय गरेको छ। विभागले बुधबार सूचना जारी गर्दै साउन १४ गतेदेखि २२ गतेसम्म विशेष सेवा तालिका लागू हुने जनाएको हो। विभागका अनुसार साउन १४ देखि १८ गतेसम्म पहिलो सिफ्ट बिहान ७ बजेदेखि दिउँसो २ बजेसम्म सञ्चालन हुनेछ। दोस्रो सिफ्ट भने दिउँसो २ बजेदेखि बेलुकी ९ बजेसम्म सञ्चालन गरिनेछ। सेवाग्राहीको अत्यधिक चापलाई व्यवस्थापन गर्न अतिरिक्त समय थपिएको विभागले जनाएको छ।
यस्तै, शनिबार, आइतबार तथा सार्वजनिक बिदाका दिनसमेत राहदानीसम्बन्धी सेवा सञ्चालन हुनेछ। सार्वजनिक बिदाका दिन बिहान १० बजेदेखि बेलुकी ४ बजेसम्म सेवाग्राहीलाई सेवा उपलब्ध गराइने विभागको सूचनामा उल्लेख गरिएको छ।
दक्षिण कोरियाको ईपीएस आवेदन प्रक्रिया अघि बढाउन विद्युतीय राहदानी अनिवार्य हुने भएकाले पछिल्लो एक सातादेखि राहदानी बनाउन आउने सेवाग्राहीको संख्या उल्लेख्य रूपमा बढेको विभागको भनाइ छ। यही अवस्थालाई ध्यानमा राख्दै विशेष सेवा सञ्चालनको व्यवस्था गरिएको हो।
राहदानी विभागले नेपाली नागरिकलाई सहज, सरल र प्रभावकारी सेवा उपलब्ध गराउने आफ्नो प्रतिबद्धता दोहोर्याउँदै सेवाग्राहीलाई तोकिएको समयअनुसार उपस्थित भई सेवा लिन अनुरोध गरेको छ।
Be the first to comment!
.gif)
प्रतिक्रिया दिनुहोस