बुधवार, कार्तिक २५ गते २०८३
ब्ल्याकरकमा इन्भेस्टमेन्ट स्ट्राटेजिस्टका रूपमा कार्यरत दीपमाला ढकालले मिस नेपाल–२०२६ को उपाधि जित्दै अब मिस वर्ल्ड प्रतियोगितामा नेपालको प्रतिनिधित्व गर्ने भएकी छन्।
शनिवार , श्रावण १६, २०८३
मिस नेपाल–२०२६ को प्रतिष्ठित उपाधि दीपमाला ढकालले जितेकी छन्। शनिबार सम्पन्न ग्रान्ड फिनालेमा उनले अन्य प्रतिस्पर्धीलाई पछि पार्दै ताज आफ्नो नाममा पारिन्। प्रतियोगिताको आयोजना द हिडन ट्रेजर ले गरेको हो भने मिस कोस्मो योलिंडा लिंडक्विस्ट लगायतका अन्तर्राष्ट्रिय तथा राष्ट्रिय व्यक्तित्व निर्णायक मण्डलमा सहभागी थिए। दीपमाला मिस नेपाल हङकङ इन्टरनेशनल–२०२६ समेत हुन्। उनी विश्वप्रसिद्ध लगानी व्यवस्थापन कम्पनी ब्ल्याकरक (BlackRock) मा इन्भेस्टमेन्ट स्ट्राटेजिस्ट का रूपमा कार्यरत छिन्। व्यावसायिक करियरसँगै उनले विभिन्न अन्तर्राष्ट्रिय मञ्चमा नेपालको प्रतिनिधित्व गर्दै आएकी छन्।
👑 दीपमाला ढकाल मिस नेपाल–२०२६ घोषित।
🌍 मिस कोस्मो योलिंडा लिंडक्विस्टसहितको निर्णायक मण्डलबाट विजेता चयन।
💼 विश्वप्रसिद्ध लगानी व्यवस्थापन कम्पनी ब्ल्याकरकमा इन्भेस्टमेन्ट स्ट्राटेजिस्ट।
🥋 ब्ल्याक बेल्ट तेक्वान्दो खेलाडी, रनवे मोडल, अन्तर्राष्ट्रिय होस्ट तथा म्याराथन धाविका।
🎗️ मिस वर्ल्डमार्फत क्यान्सरसम्बन्धी जनचेतना फैलाउने लक्ष्य।
.jpeg)
सौन्दर्य प्रतियोगिताबाहेक उनी ब्ल्याक बेल्ट तेक्वान्दो खेलाडी, रनवे मोडल, अन्तर्राष्ट्रिय कार्यक्रम सञ्चालक (होस्ट) तथा म्याराथन धाविका पनि हुन्। नेतृत्व क्षमता र सामाजिक योगदानका कारण उनी गैरआवासीय नेपाली संघ (एनआरएनए) को इतिहासमै सबैभन्दा कम उमेरमा निर्वाचित सदस्य बनेकी थिइन्।
दीपमाला नेपाल क्यान्सर अस्पताल की गुडविल एम्बास्डर पनि हुन्। उनले मिस वर्ल्डको अन्तर्राष्ट्रिय मञ्चमार्फत क्यान्सरसम्बन्धी जनचेतना फैलाउने अभियानलाई विश्वव्यापी बनाउने लक्ष्य राखेकी बताउँदै आएकी छन्। उनको सामाजिक अभियानलाई मिस नेपालको यात्राले अझ व्यापक बनाउने अपेक्षा गरिएको छ।
दीपमालाको परिवारको मिस नेपालसँग विशेष सम्बन्ध पनि छ। उनकी आमाले सन् १९९४ मा आयोजित पहिलो मिस नेपाल प्रतियोगितामा सहभागिता जनाएकी थिइन्। तीन दशकपछि छोरीले मिस नेपाल–२०२६ को उपाधि जित्दै परिवारको त्यो यात्रालाई नयाँ उचाइमा पुर्याएकी छन्।
Be the first to comment!
.gif)
प्रतिक्रिया दिनुहोस