बुधवार, कार्तिक २५ गते २०८३
ग्यास आपूर्तिकै विषयले मन्त्री फेरिएको एक महिना पुग्दा पनि बजारमा उपभोक्ताको अवस्था उस्तै छ। नेपाल आयल निगमले चाडपर्वलाई लक्षित गर्दै उपत्यकाका ११ स्थानबाट ग्यास वितरण गरिरहेको भए पनि सिलिन्डर लिन उपभोक्ताको लाम देखिएको छ।
मंगलवार , आश्विन २७, २०८३
नेपालसेज/ काठमाडौँ।
ग्यास आपूर्तिकै विषयले उद्योग, वाणिज्य तथा आपूर्तिमन्त्री फेरिएको एक महिना पुग्दा पनि बजारमा उपभोक्ताको अवस्था उस्तै छ। राष्ट्रिय स्वतन्त्र पार्टी (रास्वपा) का दीपककुमार साह भदौ २५ गते मन्त्री नियुक्त भएका थिए। तर, हालसम्म ग्यास आपूर्ति सहज हुन सकेको छैन।
ग्यास आपूर्ति सहज हुन नसक्दा उपभोक्ताले अझै सास्ती भोगिरहेका छन्।
भदौ २५ गते उद्योग, वाणिज्य तथा आपूर्तिमन्त्रीमा दीपककुमार साह नियुक्त भएका थिए।
नेपाल आयल निगमले उपत्यकाका ११ स्थानबाट ग्यास वितरण गरिरहेको छ।
असोज २५ देखि ३० गतेसम्म चाडपर्वलाई लक्षित गरी ग्यास वितरण भइरहेको छ।
वितरण केन्द्रमा भरिएका ग्यास सिलिन्डर लिन उपभोक्ताको लाम देखिएको छ।
.jpeg)
नेपाल आयल निगमले नेपाल एलपी ग्यास उद्योग संघसँगको समन्वयमा चाडपर्वलाई ध्यानमा राखेर उपत्यकाका ११ स्थानबाट ग्यास वितरण गरिरहेको छ। असोज २५ गतेदेखि ३० गतेसम्म सञ्चालन हुने वितरण कार्यक्रममार्फत उपभोक्तालाई ग्यास उपलब्ध गराउने प्रयास गरिएको छ।
यद्यपि, वितरण केन्द्रहरूमा समेत भरिएका ग्यास सिलिन्डर लिन उपभोक्ताको लाम देखिएको छ। ग्यास लिन घण्टौँ कुर्नुपर्ने अवस्थाले आपूर्ति सहज नभएको देखाएको छ।
चाडपर्वका समयमा ग्यासको माग बढिरहेका बेला वितरण व्यवस्था प्रभावकारी बनाउन र उपभोक्तालाई सहज रूपमा ग्यास उपलब्ध गराउनुपर्ने आवश्यकता देखिएको छ।
Be the first to comment!
.gif)
प्रतिक्रिया दिनुहोस