बुधवार, कार्तिक २५ गते २०८३
पटक–पटक सरकारी निर्देशन उल्लंघन गरेको र स्वीकृत विधानविपरीत गतिविधि गरेको भन्दै मन्त्रालयको निर्णय
शुक्रवार , कार्तिक १३, २०८३
गृह मन्त्रालयले राष्ट्रिय निजी तथा आवासीय विद्यालय एसोसिएसन नेपाल (एन प्याब्सन) लाई निलम्बन गरेको छ।
राष्ट्रिय निर्देशन ऐन, २०१८ को दफा ६ को उपदफा (२) बमोजिम निर्णय गरिएको हो।
मन्त्रालयले जारी गरेका निर्देशन पटक–पटक उल्लंघन गरेको आरोप छ।
संस्थाका पदाधिकारीबाट स्वीकृत विधान र मूल उद्देश्यविपरीत गतिविधि भएको मन्त्रालयको भनाइ छ।
निलम्बनपछि एन प्याब्सनको नाममा हुने गतिविधि गैरकानुनी हुने मन्त्रालयले चेतावनी दिएको छ।
.jpeg)
नेपालसेज/काठमाडौं — गृह मन्त्रालयले राष्ट्रिय निजी तथा आवासीय विद्यालय एसोसिएसन नेपाल (एन प्याब्सन) लाई निलम्बन गरेको छ। मन्त्रालयले शुक्रबार सूचना जारी गर्दै राष्ट्रिय निर्देशन ऐन, २०१८ को दफा ६ को उपदफा (२) बमोजिम संस्थालाई निलम्बन गर्ने निर्णय गरिएको जनाएको हो। सरकारको स्वीकृतिमा सञ्चालन हुँदै आएको संस्थाले मन्त्रालयबाट जारी निर्देशनहरू पटक–पटक उल्लंघन गरेको भन्दै निलम्बनको निर्णय गरिएको मन्त्रालयले स्पष्ट पारेको छ।
मन्त्रालयका अनुसार संस्थाका पदाधिकारीबाट नेपाल सरकारबाट स्वीकृत विधान तथा संस्थाको मूल उद्देश्यविपरीतका गतिविधिसमेत भएका छन्। संस्थाले सरकारी निर्देशनको पालना नगरेको र स्वीकृत व्यवस्थाअनुसार काम नगरेको विषयलाई निलम्बनको आधार बनाइएको मन्त्रालयको सूचनामा उल्लेख छ।
यसअघि मन्त्रालयले गत असोज २३ गते सम्बन्धित सरोकारवालासँग छलफल गरेको थियो। उक्त छलफलमा राष्ट्रिय निर्देशन ऐन, २०१८ तथा मन्त्रालयले २०८२ मंसिर १२ गते जारी गरेको निर्देशनअनुसार काम गर्न आग्रह गरिएको थियो।
तर, पटक–पटक निर्देशन दिँदा पनि पालना नभएपछि संस्थालाई निलम्बन गर्ने निर्णयमा पुगेको मन्त्रालयले जनाएको छ। सरकारी निर्देशनको अवज्ञा तथा स्वीकृत विधानविपरीतका गतिविधिलाई निरन्तरता दिएको विषयलाई मन्त्रालयले गम्भीर रूपमा लिएको देखिन्छ।
मन्त्रालयले सूचना जारी भइसकेपछि एन प्याब्सनको नाममा कुनै पनि समूह वा गुटले गतिविधि गर्न नपाउने चेतावनी दिएको छ। त्यस्ता गतिविधि भएको पाइएमा प्रचलित कानुनबमोजिम कारबाही गरिने मन्त्रालयले जनाएको छ।
Be the first to comment!
.gif)
प्रतिक्रिया दिनुहोस